網紅的藏寶箱【我想同你講聲：對唔住】
我諗呢個係天意嘅安排
安排到阿Jer同AK對住企
未行前嘅時候 我諗佢哋心入面都覺得好大獲
望住對方 會有好多畫面飛過
當日想逃避嘅感覺 要再次直視
其實一句『對唔住』好似好易講出口
平日做錯嘢同客人講對唔住
行街撞到人講對唔住
唔可以話唔係完全唔真心
但有時只係一個習慣 一種禮貌
但對住朋友、家人、甚至伴侶
要真真正正面對面 由心而發講出對唔住 係唔容易
我自問無呢個勇氣
可能會做一啲嘢 或者講一啲嘢
表達自己歉意
但始終好難望住對方講一句對唔住
有一日 有個朋友係聚會中
行埋嚟同我講 話偶然睇到我上網寫嘅心底話
佢想同我講聲sorry
我聽到嗰下係唔知畀咩反應
因為我根本冇期望過道歉
覺得其實可能係我自己性格問題 同人哋無關
但佢特登同我講嘅呢句道歉
除咗錯愕之外 我仲有啲感動
而且好欣賞呢個人點解有呢種勇敢同直率
一個你肯去講對唔住嘅人
代表你好重視同呢個人之間嘅關係
如果唔係 洗鬼特登道歉
我一直覺得黑面事件AK真係冇錯
佢當下心情好差 唔會想去扮開心
反而想人安慰
但AK都選擇咗向兄弟道歉
因為佢知道呢件事因佢而起
因為佢唔開心 令到兄弟間都有條刺
因為佢好重視呢一個團嘅關係
而阿Jer嘅回應
我都從來冇諗過佢會咁激動
但留返講阿Jer時先再講
『對唔住』你或者未必講到出口
就算冇道歉都唔緊要
但誤會 分歧 係一段重要關係中嘅刀
好似玩海盜桶咁 一把又一把咁插入去
唔知幾時會爆
互相了解大家點諗 原諒 拆彈 係好重要
咁樣先可以一路行落去
#調教你Mirror
#AnsonKong #AK #江𤒹生 #對唔住
Search